कविता

खगोलवृन्दावनकेलिकारी सलोकमायाच्छलभेदहारी। समस्तवेदोक्तविचारखारी जयेन्मुरारिर्जयताद्विहारी।। सुगन्धिपुष्पौघसमर्चया च नवस्तवैर्मन्त्रगिरा मया च । जगज्जनानां नयनाभिराशिः जयेन्मुरारिर्जयताद्विहारी।। वदन्ति वै वेदविदोप्यभीक्ष्णं त्वदीयगाथां नवनीतगीतम्। नमस्यपीताम्बरनाट्यकारी जयेन्मुरारिर्जयताद्विहारी।। अशेषशेषेषु मुदा शयानो बिभर्ति सृष्टिं सततं कृपालो‌। हरिप्रियाया हृदयस्य वासी जयेन्मुरारिर्जयताद्विहारी।। वृषा च दिक्पालकलेशदेवाः सुभृङ्गदृष्ट्या तव ते नटन्ति ‌। स्वभक्तदेशे नटवेशगामी जयेन्मुरारिर्जयताद्विहारी।।