अयि पामर! नीच! कृतघ्न! रिपो!
कृतवान् किमिदं प्रतिवेशिरिपो! १
खलभावनया सह खेलसि भो:!
मदमत्सरदुर्गुणकोष! रिपो! २
मधुरं बहु जल्पसि सम्मिलित:।
किमु निन्दसि दूरगतो न रिपो! ३
शृणु भारतराष्ट्रमनार्य!सखे!
तव दुर्जनतां सहते न रिपो! ४
समवाप्य बलं परमाणुसमम्।
बहु कूर्दसि खे ज्वलितुं न रिपो! ५
भरितस्तव पापघटो विपुल:।
प्रपतिष्यसि तस्मिन् किन्न रिपो! ६
त्यज दुर्जनसङ्गमये त्वरितम्।
भज सज्जनतां खलवीर! रिपो! ७
दूयस्व न वृद्धिमवेक्ष्य सताम्।
स्मर रामशरं समयेन रिपो!! ८
अरविन्दसुगन्धितराष्ट्रमहो!
उन्नतिपथमेष्यति पक्वरिपो!! ९
