दृष्ट्वोन्नतं गिरिं वृथा त्वं मित्र! खिद्यसे?
रे वप्र! रे लघो! वृथा त्वं मित्र! खिद्यसे? १
कविहंसकीर्तकौमुदीं श्रुत्वाकुलो द्रुतम्।
रे काक! काण! रे वृथा त्वं मित्र खिद्यसे? २
इह दूरगं विभाव्य नवं काव्यमाहतः।
वाल्मीकिमार्गजं वृथा त्वं मित्र! खिद्यसे? ३
कश्मीरराज्यवैभवं पश्यन् रुवन् मुहुः।
नीचा$धम! ध्रुवं! वृथा त्वं मित्र!खिद्यसे?४
अमृतमहोत्सवः शुभः प्रियभारते$तुलः।
आयोजितो यतो वृथा त्वं मित्र! खिद्यसे? ५
मम सैनिका जयन्त्यमी निजसीम्नि संस्थिताः।
वक्रा$धुना गृहे वृथा त्वं मित्र! खिद्यसे? ६
मोदन्त एव सर्वथा काव्यामृतैर् बुधाः।
साकं वसन् खलैर्वृथा त्वं मित्र! खिद्यसे?७
राष्ट्रं कवीन्दुसेवितं भुवि भारतं लसत्।
संवर्द्धते पुनर्वृथा त्वं मित्र! खिद्यसे?८
आघ्राय नारविन्दसौरभं मनोहरम्।
सत्काव्यकानने वृथा त्वं मित्र! खिद्यसे।? ९
