अनाथनाथ नाथनाथ विश्वनाथ पाहि माम्

करालकालकालबालजालमुण्डमालक ललामलालभव्यभाललोकपालपालक। यशोविशालचित्रचालबालचारुचन्द्रधृग् अनाथनाथनाथनाथविश्वनाथ पाहि माम् ।।1।। सुनाथसोमनाथवैद्यनाथरामनाथना- गनाथघुश्मनाथमल्लिकार्जुनादिरूपभृत्। सुसिद्धनाथ भूतनाथ देवनाथ सत्वरम् अनाथनाथ नाथनाथ विश्वनाथ पाहि माम्।।2।। गणेशकार्तिकेयनन्दिशृङ्गिभृङ्गिभैरव- कुबेररामकृष्णदण्डपाणिपार्वतीयुत। कपीशशेषकेशवप्रभृत्यशेषदेवयुग् अनाथनाथनाथनाथविश्वनाथ पाहि माम् ।।3।। भवाब्धिभीतिभञ्जनस्त्वमेव गर्विगञ्जनः समस्तलोकरञ्जनश्च साञ्जनो निरञ्जनः। अगम्य गम्य रम्य सर्वदा प्रणम्य हे द्रुतम् अनाथनाथ नाथनाथ विश्वनाथ पाहि माम् ।।4।। कलाकलापलापबोधवारिधिप्रदायक चराचराधिनायकाखिलार्थसिद्धिदायक। जगज्जनिस्थितिप्रलीनताविधायक ध्रुवम् अनाथनाथ नाथनाथ विश्वनाथ पाहि माम् ।।5।। Facebook Notice... Read More