गोपिकावन्दिने भक्त्या द्रौपदीमानदायिने।
वंशिकावादिने दैत्यकंसदंशविनाशिने।। १
नमस्तस्मै घनश्यामभव्यरूपविहारिणे।
कालियादारिणे लोकसर्वशोकापहारिणे।। २
नमोऽस्मै हरये नित्यं पाण्डवोत्कर्षहेतवे।
रुक्मिणीजितचित्ताय कौरवध्वंसकेतवे।। ३
शत्रुजत्रुविनाशाय धैर्यधर्मवपुष्मते।
श्रीमते माधवायास्मै श्रीकृष्णाय नम: सते।। ४
वसुदेवात्मज: कृष्णो देवकीकुक्षिज: शिशु:।
प्रीयतामरविन्देऽस्मिन् यशोदानन्दहृद्विधु:।। ५
वन्देऽहं गोकुलानन्दं नवनीतकरं वरम्।
भव्यलीलाकरं कृष्णं लीलाधरमनारतम्।। ६
पीताम्बरमहं बालं क्रीडन्तं प्राङ्गणे प्रियम्।
चलन्नुपूरझङ्कारमाश्रये धूलिभूषितम्।। ७
गीताज्ञानगुरुं वन्दे कर्ममर्मविभावकम्।
भगवन्तं जगद्वन्द्यं शिखिपिच्छमनोहरम्।। ८
