काव्यं व्यवहारविदे!

दूरभाषध्वनिं ये नो मे शृण्वन्त्यादरात् सुखम्। तेषामेव ध्वनिं श्रोतुं प्रबुद्धो$स्मि दिवानिशम्।। १ सन्देशं न पठन्ति ये प्रेषितं मित्रबान्धवैः। पठितव्यो न सन्देशस्तेषां सम्प्रेषितं तथा।। २ ये कालं नैव यच्छन्ति परस्मै व्यस्ततामुखाः। आत्मने कालमिच्छन्ति परस्येमे विलक्षणाः।। ३ प्रणम्या दूरतः सर्वे निर्व्याजं व्याजभाषिणः। मादृशैः सर्वथा प्रेम्णा भवद्भिर्मानिभिर्ध्रुवम्।। ४ इयमेका व्यथा लोके सुहृदां कवितास्वरैः। सारिता सह्यतां धीरैर्व्यवहारविचक्षणैः।। ५