गीतम् – संस्कृते संस्कृति:

गीतम् संस्कृते संस्कृति: संस्कृते संस्कृति: सेवनीया सदा। भाति कीर्ति: शुभा भारतीया सदा।1। विश्वबन्धुत्वभावोऽस्ति वेदेषु भो! भारते भावना वर्धनीया सदा।2। रामभक्तिं समाराध्य रामायणे। रामराज्यप्रथा पूजनीया सदा।3। ज्ञानगीतामृतं पीयते भारते। कृष्णरीति: मुदा राधनीया सदा।4। मानवीयापरीक्षा महाभारते। पाण्डवै: जीवने रक्षणीया सदा।5। प्राप्य सौख्यं च शान्तिं जनै: जीवने। सर्वशुभकामना प्रार्थनीया सदा।6। ध्यानधैर्यं च योग: गुरोश्चादर:। लोकहितभावना धारणीया सदा।7। स्वालये... Read More

जयतु संस्कृतम्, संस्कृत
डॉ.राजेन्द्र त्रिपाठी रसराज

नूतनोवर्ष:

कविता

गीतम्
संस्कृते संस्कृति:
संस्कृते संस्कृति: सेवनीया सदा।
भाति कीर्ति: शुभा भारतीया सदा।1।
विश्वबन्धुत्वभावोऽस्ति वेदेषु भो!
भारते भावना वर्धनीया सदा।2।
रामभक्तिं समाराध्य रामायणे।
रामराज्यप्रथा पूजनीया सदा।3।
ज्ञानगीतामृतं पीयते भारते।
कृष्णरीति: मुदा राधनीया सदा।4।
मानवीयापरीक्षा महाभारते।
पाण्डवै: जीवने रक्षणीया सदा।5।
प्राप्य सौख्यं च शान्तिं जनै: जीवने।
सर्वशुभकामना प्रार्थनीया सदा।6।
ध्यानधैर्यं च योग: गुरोश्चादर:।
लोकहितभावना धारणीया सदा।7।
स्वालये सङ्गमे मन्दिरे चापणे ।
भारते स्वच्छता पालनीया सदा।8।
धर्मभाषावच: खानपानादय:।
मानवै: जीवने साधनीया सदा।9 ।
गीयते राष्ट्रगीतिर्न किं भारते ।
मातृभू: सादरं वन्दनीया सदा।10।