जयतु संस्कृतम्
बाल कविता – पाठं पठ रे !
पठ रे ! पठ रे ! पाठं पठ रे !
पठ रे ! पठ रे ! पाठं पठ रे !
भारतदेशः भारतभूमिः
राष्ट्रभक्तिः मदीया शक्तिः
सदा प्रणम्यो देशः एषः
माता भूमिः पुत्रोऽहं वद रे ! वद रे !
पठ रे ! पठ रे ! पाठं पठ रे !
पठ रे ! पठ रे ! पाठं पठ रे !
जननी दत्ते पयस्सुमधुरं
भूमिर्धत्ते पयस्सुमधुरं
रामो ब्रूते जननी-स्वर्गं
भूमि-स्वर्गं त्वमपि वद रे ! वद रे !
पठ रे ! पठ रे ! पाठं पठ रे !
पठ रे ! पठ रे ! पाठं पठ रे !
देशप्रेम–रागाऽऽरक्ताः
लोकाः स्युर्मनसाऽऽसक्ताः
यत्र विश्वं भवत्येकनीडं
तादृग्-यत्नं नित्यं कुरु रे ! कुरु रे !
पठ रे ! पठ रे ! पाठं पठ रे !
पठ रे ! पठ रे ! पाठं पठ रे !
– डॉ. मधुबाला शर्मा
