कविता

जयतु संस्कृतम्
कविता
तव नेत्राभ्यां वञ्चितेन
हर्षो लब्धो मदिरालये
रिक्तो भूत्वापि चषकेण
पूर्ण: कृतो मदिरालये
बहिस्तु तिमिराच्छन्नोsहम्
अत्र दीप्तो मदिरालये
क: कथयति नास्त्यात्मीयता
त्वमपि स्वजनो मदिरालये
आदिवसं तूष्णीं तिष्ठामि
मुखरीकृतो मदिरालये
अत्रापि रे तव स्मरणम्
अयं कलंको मदिरालये
कियान् मुग्ध आसीत् तिवारी
कुशलीकृतो मदिरालये

– डाॅ. कौशल तिवारी