अक्टूबर-नवम्बर 2020 (संयुक्तांक)
अंक - 64 | कुल अंक - 64
प्रज्ञा प्रकाशन, सांचोर द्वारा प्रकाशित

प्रधान संपादक : के.पी. 'अनमोल'
संस्थापक एवं संपादक: प्रीति 'अज्ञात'
तकनीकी संपादक : मोहम्मद इमरान खान

કવિતા

૧) શું કરવાનું !

આકાશ ભરીને છો ને હોય વાદળ
ટીપું ય વરસે નહીં તો શું કરવાનું !

કદી યે કોઈ માટે ધડકે નહી
એવું દિલ લઈને શું કરવાનું !

લાગણીઓનાં હસ્તાક્ષર વિનાનો
કોરો કાગળ લઈને શું કરવાનું !

ગમે એટલો નજીક લાગે પણ
મન વિનાનો માણસ લઈને શું કરવાનું !

મારી ને તારી પાસે ભલેને હોય હોડી
વચ્ચે દરિયો ન હોય તો શું કરવાનું !!


****************************

૨) પૂછું છું !

કોને પૂછું હું તારા હાલ !
તું આજ આવીશ કે કાલ !

વાદળ ભરીને કાગળ લખુ શું !
પંખીને પૂછને હું કેવી તરસુ છુ !
આભલા પાસે ડૂસકા ભરુ છું !
રોજ સૂરજ ઊગે ને હું પૂછું છું,
તું આજ આવીશ કે કાલ !

ચાતકની સાથે દુ:ખડા લઉછું!
ટીટોડીને મહેણા દઉ છું !
મોરના ટહુકે રોઈ પડું છું !
રોજ પવન આવે ને હું પૂછું છું ,
તું આજ આવીશ કે કાલ !

તારા સ્પર્શે મહેંકી ઉઠું છું !
તારા વિના સહેમી ઉઠું છું !
તારા આલિંગને બહેકી ઉઠું છું !
રોજ મારા કણ કણમાં,
રગ રગમાં , રજ રજમાં
પથરાયેલા વિશ્વાસને પૂછું છું ,
તું આજ આવીશ કે કાલ !

 


- पार्थिवी शाह

रचनाकार परिचय
पार्थिवी शाह

पत्रिका में आपका योगदान . . .
गुजराती साहित्य (1)