सितम्बर 2020
अंक - 63 | कुल अंक - 63
प्रज्ञा प्रकाशन, सांचोर द्वारा प्रकाशित

प्रधान संपादक : के.पी. 'अनमोल'
संस्थापक एवं संपादक: प्रीति 'अज्ञात'
तकनीकी संपादक : मोहम्मद इमरान खान

जयतु संस्कृतम्
कोरोना व्यापारः
 
कोरोना व्यवसायोऽस्ति राष्ट्रे वृद्धिंगतो महान् ।
अर्थतन्त्र पुनर्जातं जीवित मूर्च्छितं पुरा ।।
 
वृद्धिं कृताऽस्ति शुल्कानां नापितैः क्षौरकर्मणः ।
परीक्षणस्य मूल्यानां वृद्धिं कृता चिकित्सकैः ।।
 
द्विगुणितेन मूल्येन विक्रीतं वणिजैस्तदा ।
पिहितां विपणीं दृष्ट्वा पृष्ठद्वारै श्च लीलया ।।
 
महार्हा आपणा जाता कर्तुं सौन्दर्यवर्धनम् ।
शाकानां मूल्यवृद्धया हा ! स्थापिता विक्रमा नवाः ।।
 
प्रेट्रोलमूल्यवृद्धञ्च कृत्वा दिने दिने पुनः ।
सर्वकारोऽपि पृष्ठे किं भवति धनलुण्ठने ।।
 
प्रधानमन्त्रिणः कोशो लेखाहीनोऽपि वर्धते ।
कोशवृद्धिस्तथा जाता राज्यानां मुख्यमन्त्रिणाम् ।।
 
जनता तु विना द्रव्यं वचनैरुपशाम्यते ।।
 
उत्पादनञ्च कुर्वन्ति यन्त्रालया दिवानिशमा ।।
औषधानां पुनर्लभं लभन्ते ते चतुर्गुणम् ।।
मुखप्रक्षालनार्थं विक्रमी द्रव्यविक्रयः ।
औषधानां विदेशेषु नियतिश्चुम्बति नभः ।।
 
सुवर्णं नास्ति क्रेतव्यं द्रष्टव्यं दूरतः प्रिये ।
सुवर्णादपि सर्वेऽत्र स्वर्णकाराश्वकासते ।।
 
अन्तर्जालेन छात्रास्तु पठन्ति हतभाग्यकाः ।
किन्तु विद्यालया जातास्तेषां शुल्कैर्वृकोदराः ।।
 
रोगरक्षकवस्तूनां विक्रयेण धनाढ्यताम् ।
चीनदेशोऽपि यातोऽस्ति रोगनिर्यात- पारगः ।।
 
रुग्णालयास्तु निष्णाता नगरे पञ्चतारकाः ।
ऊर्णविद् धनि- मेषाणां छिदन्ति धनसम्पदः ।।
 
पार्थ मा त्वं गमः क्लैब्यं कोरोनायाः प्रभावतः ।
व्यापारो यत्र सर्वत्र मनुष्याणां स्वभावतः ।।

- हर्षदेव माधव

रचनाकार परिचय
हर्षदेव माधव

पत्रिका में आपका योगदान . . .
जयतु संस्कृतम् (1)